«Ералаш» юмористтик киножурналынын негиздөөчүсү жана көркөм жетекчиси Борис Грачевский коронавирус оорусу менен күрөшүп жатып, 72 жашында көз жумду. Бул тууралуу РИА Новости сайты жазып чыкты.

Маалыматка ылайык, коронавируска кабылган Грачевский 2020-жылдын декабрь айынын соңунда №52 шаардык ооруканага жаткырылган. Анын абалы оор деп бааланган.

«Грачевский коронавирус жуктуруп алганда алгач үй шартында дарыланып келген. Кийин гана дарыгерлер аны дарылоо үчүн ооруканага жеткиришкен», – деп айтылат маалыматта.