Общество

ИИМ: Учурда Бишкекте абал туруктуу

9 августа 2019 года, 16:28 Рубрика: Коом

Автор:

ИИМ: Учурда Бишкекте абал туруктуу

Бишкекте жана Чүйдө абал тынч, милициянын көзөмөлүндө. Мындай билдирүүнү бүгүн Ички иштер министрлиги таратты.

Мекеменин маалыматына караганда, 9-августка караган түнү «Алмазбек Атамбаевдин агрессивдүү тарапкерлери коомдук тартипти бузуп, жол тосуп, жай тургундарды коркутуп-үркүтүшкөн. Ошондуктан аларга карата атайын каражаттар колдонулган. Бишкекте талап-тоноочулукка жол берилген жок. Үч жерде «Коопсуз шаардын» көзөмөл камералары талкаланган, Беш-Күңгөй айылында жайгашкан милиция бөлүмү өрттөлгөн».

Учурда келтирилген зыян эсептелип, тартип бузгандар изделүүдө.

«Азыр милиция кадимки тартипте иштеп жатат, коомдук коопсуздукту жана шаар тургундарынын тынчтыгын камсыз кылуудабыз» деп билдирди милиция.

Бөлүшүү:

Megacom