Спорт

Кыргызстандык суучул Денис Петрашов Токиодо өтчү Олимпиадага катышуу үчүн алгачкы лицензияны утуп алды

22 июля 2019 года, 11:30 Рубрика: Спорт

Автор:

Кыргызстандык суучул Денис Петрашов Токиодо өтчү Олимпиадага катышуу үчүн алгачкы лицензияны утуп алды

Кыргызстандык суучул Денис Петрашов 2020-жылы Токио шаарында өтө турчу Олимпиада оюндарына катышуу үчүн алгачкы лицензияны алды. Бул туурасында Жаштар иши, дене тарбия жана спорт агенттигинен кабарлашты.

Билдирмеде, Петрашов Түштүк Кореяда өтүп жаткан дүйнө чемпионатында сууда сүзүүнүн брасс түрү боюнча мелдеште 100 метр аралыкты бир мүнөт 0,94 секундада багындырганы айтылат. Суучул бешинчи бөлүктө сүзүп, 87 спортчунун ичинен биринчи келген. Жалпы эсепте 28-орунду ээлеген. Олимпиаданын лицензиясын алуу үчүн спортчулар 1 мүнөт 1,73 секунд ичинде сүзүп келиши керек болгон.

Муну менен ал Кыргызстандын курама командасынын ичинен алгачкылардан болуп Токиодо өтө турчу Олимпиадага катышуу үчүн уруксат алды.

Эскерте кетсек, cууда сүзүү боюнча дүйнө чемпионаты ушул тапта Түштүк Кореянын Кванджу шаарында өтүп жатат. Мелдеш 12-июлда башталып, 28-июлда жыйынтыкталат.

Бөлүшүү:

Megacom